হিন্দু ধর্ম ব্লগ
Main »
2011 » August » 17 » রামকৃষ্ণ স্তোত্র
Added by:
শকুন্তলা-দেবী
|
.. রামকৃষ্ণ স্তোত্র – ..
ॐ হ্রীং ঋতং ত্বমচলো গুণজিদ্গুণেড্যো
নক্তং দিবং সকরুণং তব পাদপদ্মম্ .
মোহঙ্কষং বহুকৃতং ন ভজে যতোঽহম্
তস্মাত্ত্বমেব শরণং মম দীনবন্ধো .. ১..
ভক্তির্ভগশ্চ ভজনং ভবভেদকারি
গচ্ছংত্যলং সুবিপুলং গমনায তত্ত্বম্ .
বক্ত্রোদ্ধৃতংতু হৃদি মে ন চ ভাতি কিংচিত্
তস্মাত্ত্বমেব শরণং মম দীন বন্ধো .. ২..
তেজস্তরংতি তরসা ত্বযি তৃপ্ততৃষ্ণাঃ
রাগে কৃতে ঋতপথে ত্বযি রামকৃষ্ণে .
মর্ত্যামৃতং তব পদং মরণোর্মিনাশম্
তস্মাত্ত্বমেব শরণং মম দীনবন্ধো .. ৩..
কৃত্যং করোতি কলুষং কুহকাংতকারি
ষ্ণাংতং শিবং সুবিমলং তব নাম নাথ .
যস্মাদহং ত্বশরণো জগদেকগম্যম্
তস্মাত্ত্বমেব শরণং মম দীনবন্ধো .. ৪..
আচংডালাপ্রতিহতরযো যস্য প্রেমপ্রবাহঃ
লোকাতীতোঽপ্যহহ ন জহৌ লোককল্যাণমার্গম্ .
ত্রৈলোক্যেঽপ্যপ্রতিমমহিমা জানকীপ্রাণবন্ধো
ভক্ত্যা জ্ঞানং বৃতবরবপুঃ সীতযা যো হি রামঃ .. ৫..
স্তব্ধীকৃত্য প্রলযকলিতং বাহবোত্থং মহাংতম্
হিত্বা রাত্রি প্রকৃতিসহজামন্ধতামিস্রমিশ্রাম্
গীতং শাংতং মধুরমপি যঃ সিংহনাদং জগর্জ
সোঽযং জাতঃ প্রথিতপুরুষো রামকৃষ্ণস্ত্বিদানীম্ .. ৬..
নরদেব দেব,জয জয নরদেব
শক্তিসমুদ্রসমুত্থতরঙ্গম্
দর্শিতপ্রেমবিজৃংভিতরঙ্গম্ .
সংশযরাক্ষসনাশমহাস্ত্রম্
যামি গুরুং শরণং ভববৈদ্যম্ .. ৭..
নরদেব দেব,জয জয নরদেব
অদ্বযতত্ত্বসমাহিতচিত্তম্
প্রোজ্জ্বলভক্তিপটাবৃতবৃত্তম্ .
কর্মকলেবরমদ্ভুতচেষ্টম্
যামি গুরুং শরণং ভববৈদ্যম্ .. ৮..
স্থাপকায চ ধর্মস্য সর্বধর্মস্বরূপিণে .
অবতারবরিষ্ঠায রামকৃষ্ণায তে নমঃ ৯ ..
–স্বামী বিবেকানন্দ
|
|
Views: 908 |
Added by: শকুন্তলা-দেবী
| Tags:
| Rating: 0.0/0 |
| Total comments: 1 | |
|
0   1
rajendra (18-08-2011 10:31 AM)
[ Entry]
|
|
|
|
