হিন্দু ধর্ম ব্লগ
Main »
2011 » August » 14 » শ্রী রাধাকৃষ্ণ সহস্রনাম স্তোত্রম্
Added by:
নামহীন
2:25 PM শ্রী রাধাকৃষ্ণ সহস্রনাম স্তোত্রম্ |
সনত্কুমার উবাচ –
কিং ত্বং নারদ জানাসি পূর্বজন্মনি যত্ত্বযা .
প্রাপ্তং ভগবতঃ সাক্ষাচ্ছূলিনো যুগলাত্মকম্ .. ১..
কৃষ্ণমন্ত্ররহস্যং চ স্মর বিস্মৃতিমাগতম্ .
সূত উবাচ –
ইত্যুক্তো নারদো বিপ্রাঃ কুমারেণ তু ধীমতা .. ২..
ধ্যানে বিবেদাশু চিরং চরিতং পূর্বজন্মনঃ .
ততশ্চিরং ধ্যানপরো নারদো ভগবত্প্রিযঃ .. ৩..
জ্ঞাত্বা সর্বং সুবৃত্তান্তং সুপ্রসন্নাননোঽব্রবীত্ .
ভগবন্সর্ববৃত্তান্তঃ পূর্বকল্পসমুদ্ভবঃ .. ৪..
মম স্মৃতিমনুপ্রাপ্তো বিনা যুগললম্ভনম্ ..
তচ্ছ্রুত্বা বচনং তস্য নারদস্য মহাত্মনঃ .. ৫..
সনত্কুমারো ভগবান্ ব্যাজহার যথাতথম্ .
সনত্কুমার উবাচ –
শৃণু বিপ্র প্রবক্ষ্যামি যস্মিঞ্জন্মনি শূলিনঃ .. ৬..
প্রাপ্তং কৃষ্ণরহস্যং বৈ সাবধানো ভবাধুনা .
অস্মাত্সারস্বতাত্কল্পাত্পূর্বস্মিন্পঞ্চবিংশকে .. ৭..
কল্পে ত্বং কাশ্যপো জাতো নারদো নাম নামতঃ .
তত্রৈকদা ত্বং কৈলাসং প্রাপ্তঃ কৃষ্ণস্য যোগিনঃ .. ৮..
সম্প্রষ্টুং পরমং তত্ত্বং শিবং কৈলাসবাসিনম্ .
ত্বযা পৃষ্টো মহাদেবো রহস্যং স্বপ্রকাশিতম্ .. ৯..
কথযা মাস তত্ত্বেন নিত্যলীলানুগং হরেঃ .
ততস্তদন্তে তু পুনস্ত্বযা বিজ্ঞাপিতো হরঃ .. ১০..
নিত্যাং লীলাং হরের্দ্রষ্টুং ততঃ প্রাহ সদাশিবঃ .
গোপীজনপদস্যান্তে বল্লভেতি পদং ততঃ .. ১১..
চরণাচ্ছরণং পশ্চাত্প্রপদ্যে ইতি বৈ মনুঃ .
মন্ত্রস্যাস্য ঋষিঃ প্রোক্তো সুরভিশ্ছন্দ এব চ .. ১২..
গাযত্রী দেবতা চাস্য বল্লবীবল্লভো বিভুঃ .
প্রপন্নোঽস্মীতি তদ্ভক্তৌ বিনিযোগ উদাহৃতঃ .. ১৩..
নাস্য সিদ্ধাদিকং বিপ্র শোধনং ন্যাসকল্পনম্ .
কেবলং চিন্তনং সদ্যো নিত্যলীলাপ্রকাশকম্ .. ১৪..
আভ্যন্তরস্য ধর্মস্য সাধনং বচ্মি সাম্প্রতম্ .. ১৫..
সঙ্গৃহ্য মন্ত্রং গুরুভক্তিযুক্তো
বিচিন্ত্য সর্বং মনসা তদীহিতম্ .
কৃপাং তদীযাং নিজধর্মসংস্থো
বিভাবযন্নাত্মনি তোষযেদ্গুরুম্ .. ১৬..
সতাং শিক্ষেত বৈ ধর্মান্প্রপন্নানাং ভযাপহান্ .
ঐহিকামুষ্মিকীচিন্তাবিধুরান্ সিদ্ধিদাযকান্ .. ১৭..
স্বেষ্টদেবধিযা নিত্যং তোষযেদ্বৈষ্ণবাংস্তথা .
ভর্ত্সনাদিকমেতেষাং ন কদাচিদ্বিচিন্তযেত্ .. ১৮..
পূর্বকর্মবশাদ্ভব্যমৈহিকং ভোগ্যমেব চ .
আযুষ্যকং তথা কৃষ্ণঃ স্বযমেব করিষ্যতি .. ১৯..
শ্রীকৃষ্ণং নিত্যলীলাস্থং চিন্তযেত্স্বধিযানিশম্ .
শ্রীমদর্চাবতারেণ কৃষ্ণং পরিচরেত্সদা .. ২০..
অনন্যচিন্তনীযোঽসৌ প্রপন্নৈঃ শরণার্থিভিঃ .
স্থেযং চ দেহগেহাদাবুদাসীনতযা বুধৈঃ .. ২১..
গুরোরবজ্ঞাং সাধূনাং নিন্দাং ভেদং হরে হরৌ .
বেদনিন্দাং হরের্নামবলাত্পাপসমীহনম্ .. ২২..
অর্থবাদং হরের্নাম্নি পাষণ্ডং নামসঙ্গ্রহে .
অলসে নাস্তিকে চৈব হরিনামোপদেশনম্ .. ২৩..
নামবিস্মরণং চাপি নাম্ন্যনাদরমেব চ .
সন্ত্যজেদ্ দূরতো বত্স দোষানেতান্সুদারুণান্ .. ২৪..
প্রপন্নোঽস্মীতি সততং চিন্তযেদ্ধৃদ্গতং হরিম্ .
স এব পালনং নিত্যং করিষ্যতি মমেতি চ .. ২৫..
তবাস্মি রাধিকানাথ কর্মণা মনসা গিরা .
কৃষ্ণকান্তেতি চৈবাস্মি যুবামেব গতির্মম .. ২৬..
দাসাঃ সখাযঃ পিতরঃ প্রেযস্যশ্চ হরেরিহ .
সর্বে নিত্যা মুনিশ্রেষ্ঠ চিন্তনীযা মহাত্মভিঃ .. ২৭..
গমনাগমনে নিত্যং করোতি বনগোষ্ঠযোঃ .
গোচারণং বযস্যৈশ্চ বিনাসুরবিঘাতনম্ .. ২৮..
সখাযো দ্বাদশাখ্যাতা হরেঃ শ্রীদামপূর্বকাঃ .
রাধিকাযাঃ সুশীলাদ্যাঃ সখ্যো দ্বাত্রিংশদীরিতাঃ .. ২৯..
আত্মানং চিন্তযেদ্বত্স তাসাং মধ্যে মনোরমাম্ .
রূপযৌবনসম্পন্নাং কিশোরীং চ স্বলঙ্কৃতাম্ .. ৩০..
নানাশিল্পকলাভিজ্ঞাং কৃষ্ণভোগানুরূপিণীম্ .
তত্সেবনসুখাহ্লাদভাবেনাতিসুনির্বৃতাম্ .. ৩১..
ব্রাহ্মং মুহূর্তমারভ্য যাবদর্ধনিশা ভবেত্ .
তাবত্পরিচরেত্তৌ তু যথাকালানুসেবযা .. ৩২..
সহস্রং চ তযোর্নাম্নাং পঠেন্নিত্যং সমাহিতঃ .
এতত্সাধনমুদ্দিষ্টং প্রপন্নানাং মুনীশ্বর .. ৩৩..
নাখ্যেযং কস্যচিত্তুভ্যং মযা তত্ত্বং প্রকাশিতম্ .
সনত্কুমার উবাচ –
ততস্ত্বং নারদ পুনঃ পৃষ্টবান্বৈ সদাশিবম্ .. ৩৪..
নাম্নাং সহস্রং তচ্চাপি প্রোক্তবাংস্তচ্ছৃণুষ্ব মে .
ধ্যাত্বা বৃন্দাবনে রম্যে যমুনাতীরসংগতম্ .. ৩৫..
কল্পবৃক্ষং সমাশ্রিত্য তিষ্ঠন্তং রাধিকাযুতম্ .
পঠেন্নামসহস্রং তু যুগলাখ্যং মহামুনে .. ৩৬..
দেবকীনন্দনঃ শৌরির্বাসুদেবো বলানুজঃ .
গদাগ্রজঃ কংসমোহঃ কংসসেবকমোহনঃ .. ৩৭..
ভিন্নার্গলো ভিন্নলোহঃ পিতৃবাহ্যাঃ পিতৃস্তুতঃ .
মাতৃস্তুতঃ শিবধ্যেযো যমুনাজলভেদনঃ .. ৩৮..
ব্রজবাসী ব্রজানন্দী নন্দবালো দযানিধিঃ .
লীলাবালঃ পদ্মনেত্রো গোকুলোত্সব ঈশ্বরঃ .. ৩৯..
গোপিকানন্দনঃ কৃষ্ণো গোপানন্দঃ সতাং গতিঃ .
বকপ্রাণহরো বিষ্ণুর্বকমুক্তিপ্রদো হরিঃ .. ৪০..
বলদোলাশযশযঃ শ্যামলঃ সর্বসুন্দরঃ .
পদ্মনাভো হৃষীকেশঃ ক্রীডামনুজবালকঃ .. ৪১..
লীলাবিধ্বস্তশকটো বেদমন্ত্রাভিষেচিতঃ .
যশোদানন্দনঃ কান্তো মুনিকোটিনিষেবিতঃ .. ৪২..
নিত্যং মধুবনাবাসী বৈকুণ্ঠঃ সম্ভবঃ ক্রতুঃ .
রমাপতির্যদুপতির্মুরারির্মধুসূদনঃ .. ৪৩..
মাধবো মানহারী চ শ্রীপতির্ভূধরঃ প্রভুঃ .
বৃহদ্বনমহালীলো নন্দসূনুর্মহাসনঃ .. ৪৪..
তৃণাবর্তপ্রাণহারী যশোদাবিস্মযপ্রদঃ .
ত্রৈলোক্যবক্ত্রঃ পদ্মাক্ষঃ পদ্মহস্তঃ প্রিযঙ্করঃ .. ৪৫..
ব্রহ্মণ্যো ধর্মগোপ্তা চ ভূপতিঃ শ্রীধরঃ স্বরাট্ .
অজাধ্যক্ষঃ শিবাধ্যক্ষো ধর্মাধ্যক্ষো মহেশ্বরঃ .. ৪৬..
বেদান্তবেদ্যো ব্রহ্মস্থঃ প্রজাপতিরমোঘদৃক্ .
গোপীকরাবলম্বী চ গোপবালকসুপ্রিযঃ .. ৪৭..
বালানুযাযী বলবান্ শ্রীদামপ্রিয আত্মবান্ .
গোপীগৃহাঙ্গণরতির্ভদ্রঃ সুশ্লোকমঙ্গলঃ .. ৪৮..
নবনীতহরো বালো নবনীতপ্রিযাশনঃ .
বালবৃন্দী মর্কবৃন্দী চকিতাক্ষঃ পলাযিতঃ .. ৪৯..
যশোদাতর্জিতঃ কম্পী মাযারুদিতশোভনঃ .
দামোদরোঽপ্রমেযাত্মা দযালুর্ভক্তবত্সলঃ .. ৫০..
সুবদ্ধোলূখলে নম্রশিরা গোপীকদর্থিতঃ .
বৃক্ষভঙ্গী শোকভঙ্গী ধনদাত্মজমোক্ষণঃ .. ৫১..
দেবর্ষিবচনশ্লাঘী ভক্তবাত্সল্যসাগরঃ .
ব্রজকোলাহলকরো ব্রজানদবিবর্দ্ধনঃ .. ৫২..
গোপাত্মা প্রেরকঃ সাক্ষী বৃন্দাবননিবাসকৃত্ .
বত্সপালো বত্সপতির্গোপদারকমণ্ডনঃ .. ৫৩..
বালক্রীডো বালরতির্বালকঃ কনকাঙ্গদী .
পীতাম্বরো হেমমালী মণিমুক্তাবিভূষণঃ .. ৫৪..
কিঙ্কিণীকটকী সূত্রী নূপুরী মুদ্রিকান্বিতঃ .
বত্সাসুরপতিধ্বংসী বকাসুরবিনাশনঃ .. ৫৫..
অঘাসুরবিনাশী চ বিনিদ্রীকৃতবালকঃ .
আদ্য আত্মপ্রদঃ সঙ্গী যমুনাতীরভোজনঃ .. ৫৬..
গোপালমণ্ডলীমধ্যঃ সর্বগোপালভূষণঃ .
কৃতহস্ততলগ্রাসো ব্যঞ্জনাশ্রিতশাখিকঃ .. ৫৭..
কৃতবাহুশৃঙ্গযষ্টির্গুঞ্জালঙ্কৃতকণ্ঠকঃ .
মযূরপিচ্ছমুকুটো বনমালাবিভূষিতঃ .. ৫৮..
গৈরিকাচিত্রিতবপুর্নবমেঘবপুঃ স্মরঃ .
কোটিকন্দর্পলাবণ্যো লসন্মকরকুণ্ডলঃ .. ৫৯..
আজানুবাহুর্ভগবান্নিদ্রারহিতলোচনঃ .
কোটিসাগরগাম্ভীর্যঃ কালকালঃ সদাশিবঃ .. ৬০..
বিরঞ্চিমোহনবপুর্গোপবত্সবপুর্দ্ধরঃ .
ব্রহ্মাণ্ডকোটিজনকো ব্রহ্মমোহবিনাশকঃ .. ৬১..
ব্রহ্মা ব্রহ্মেডিতঃ স্বামী শক্রদর্পাদিনাশনঃ .
গিরিপূজোপদেষ্টা চ ধৃতগোবর্দ্ধনাচলঃ .. ৬২..
পুরন্দরেডিতঃ পূজ্যঃ কামধেনুপ্রপূজিতঃ .
সর্বতীর্থাভিষিক্তশ্চ গোবিন্দো গোপরক্ষকঃ .. ৬৩..
কালিযার্তিকরঃ ক্রূরো নাগপত্নীডিতো বিরাট্ .
ধেনুকারিঃ প্রলম্বারির্বৃষাসুরবিমর্দনঃ .. ৬৪..
মাযাসুরাত্মজধ্বংসী কেশিকণ্ঠবিদারকঃ .
গোপগোপ্তা ধেনুগোপ্তা দাবাগ্নিপরিশোষকঃ .. ৬৫..
গোপকন্যাবস্ত্রহারী গোপকন্যাবরপ্রদঃ .
যজ্ঞপত্ন্যন্নভোজী চ মুনিমানাপহারকঃ .. ৬৬..
জলেশমানমথনো নন্দগোপালজীবনঃ .
গন্ধর্বশাপমোক্তা চ শঙ্খচূডশিরো হরঃ .. ৬৭..
বংশী বটী বেণুবাদী গোপীচিন্তাপহারকঃ .
সর্বগোপ্তা সমাহ্বানঃ সর্বগোপীমনোরথঃ .. ৬৮..
ব্যংগধর্মপ্রবক্তা চ গোপীমণ্ডলমোহনঃ .
রাসক্রীডারসাস্বাদী রসিকো রাধিকাধবঃ .. ৬৯..
কিশোরীপ্রাণনাথশ্চ বৃষভানসুতাপ্রিযঃ .
সর্বগোপীজনানন্দী গোপীজনবিমোহনঃ .. ৭০..
গোপিকাগীতচরিতো গোপীনর্তনলালসঃ .
গোপীস্কন্ধাশ্রিতকরো গোপিকাচুম্বনপ্রিযঃ .. ৭১..
গোপিকামার্জিতমুখো গোপীব্যজনবীজিতঃ .
গোপিকাকেশসংস্কারী গোপিকাপুষ্পসংস্তরঃ .. ৭২..
গোপিকাহৃদযালম্বী গোপীবহনতত্পরঃ .
গোপিকামদহারী চ গোপিকাপরমার্জিতঃ .. ৭৩..
গোপিকাকৃতসংনীলো গোপিকাসংস্মৃতপ্রিযঃ .
গোপিকাবন্দিতপদো গোপিকাবশবর্তনঃ .. ৭৪..
রাধাপরাজিতঃ শ্রীমান্নিকুঞ্জেসুবিহারবান্ .
কুঞ্জপ্রিযঃ কুঞ্জবাসী বৃন্দাবনবিকাসনঃ .. ৭৫..
যমুনাজলসিক্তাঙ্গো যমুনাসৌখ্যদাযকঃ .
শশিসংস্তম্ভনঃ শূরঃ কামী কামবিজোহনঃ .. ৭৬..
কামাদ্যাঃ কামনাথশ্চ কামমানসভেদনঃ .
কামদঃ কামরূপশ্চ কামিনী কামসঞ্চযঃ .. ৭৭..
নিত্যক্রীডো মহালীলঃ সর্বঃ সর্বগতস্তথা .
পরমাত্মা পরাধীশঃ সর্বকারণকারণঃ (orম্).. ৭৮..
গৃহীতনারদবচা হ্যক্রূরপরিচিন্তিতঃ .
অক্রূরবন্দিতপদো গোপিকাতোষকারকঃ .. ৭৯..
অক্রূরবাক্যসঙ্গ্রাহী মথুরাবাসকারণঃ (orম্).
অক্রূরতাপশমনো রজকাযুঃপ্রণাশনঃ .. ৮০..
মথুরানন্দদাযী চ কংসবস্ত্রবিলুণ্ঠনঃ .
কংসবস্ত্রপরীধানো গোপবস্ত্রপ্রদাযকঃ .. ৮১..
সুদামগৃহগামী চ সুদামপরিপূজিতঃ .
তন্তুবাযকসংপ্রীতঃ কুব্জাচন্দনলেপনঃ .. ৮২..
কুব্জারূপপ্রদো বিজ্ঞো মুকুন্দো বিষ্টরশ্রবাঃ .
সর্বজ্ঞো মথুরালোকী সর্বলোকাভিনন্দনঃ .. ৮৩..
কৃপাকটাক্ষদর্শী চ দৈত্যারির্দেবপালকঃ .
সর্বদুঃখপ্রশমনো ধনুর্ভঙ্গী মহোত্সবঃ .. ৮৪..
কুবলযাপীডহন্তা দন্তস্কন্ধবলাগ্রণীঃ .
কল্পরূপধরো ধীরো দিব্যবস্ত্রানুলেপনঃ .. ৮৫..
মল্লরূপো মহাকালঃ কামরূপী বলান্বিতঃ .
কংসত্রাসকরো ভীমো মুষ্টিকান্তশ্চ কংসহা .. ৮৬..
চাণূরঘ্নো ভযহরঃ শলারিস্তোশলান্তকঃ .
বৈকুণ্ঠবাসী কংসারিঃ সর্বদুষ্টনিষূদনঃ .. ৮৭..
দেবদুন্দুভিনির্ঘোষী পিতৃশোকনিবারণঃ .
যাদবেন্দ্রঃ সতাংনাথো যাদবারিপ্রমর্দ্দনঃ .. ৮৮..
শৌরিশোকবিনাশী চ দেবকীতাপনাশনঃ .
উগ্রসেনপরিত্রাতা উগ্রসেনাভিপূজিতঃ .. ৮৯..
উগ্রসেনাভিষেকী চ উগ্রসেনদযাপরঃ .
সর্বসাত্বতসাক্ষী চ যদূনামভিনন্দনঃ .. ৯০..
সর্বমাথুরসংসেব্যঃ করুণো ভক্তবান্ধবঃ .
সর্বগোপালধনদো গোপীগোপাললালসঃ .. ৯১..
শৌরিদত্তোপবীতী চ উগ্রসেনদযাকরঃ .
গুরুভক্তো ব্রহ্মচারী নিগমাধ্যযনে রতঃ .. ৯২..
সংকর্ষণসহাধ্যাযী সুদামসুহৃদেব চ .
বিদ্যানিধিঃ কলাকোশো মৃতপুত্রপ্রদস্তথা .. ৯৩..
চক্রী পাঞ্চজনী চৈব সর্বনারকিমোচনঃ .
যমার্চিতঃ পরো দেবো নামোচ্চারবশোঽচ্যুতঃ .. ৯৪..
কুব্জাবিলাসী সুভগো দীনবন্ধুরনূপমঃ .
অক্রূরগৃহগোপ্তা চ প্রতিজ্ঞাপালকঃ শুভঃ .. ৯৫..
জরাসন্ধজযী বিদ্বান্ যবনান্তো দ্বিজাশ্রযঃ .
মুচুকুন্দপ্রিযকরো জরাসন্ধপলাযিতঃ .. ৯৬..
দ্বারকাজনকো গূঢো ব্রহ্মণ্যঃ সত্যসঙ্গরঃ .
লীলাধরঃ প্রিযকরো বিশ্বকর্মা যশঃপ্রদঃ .. ৯৭..
রুক্মিণীপ্রিযসন্দেশো রুক্মশোকবিবর্দ্ধনঃ .
চৈদ্যশোকালযঃ শ্রেষ্ঠো দুষ্টরাজন্যনাশনঃ .. ৯৮..
রুক্মিবৈরূপ্যকরণো রুক্মিণীবচনে রতঃ .
বলভদ্রবচোগ্রাহী মুক্তরুক্মী জনার্দনঃ .. ৯৯..
রুক্মিণীপ্রাণনাথশ্চ সত্যভামাপতিঃ স্বযম্ .
ভক্তপক্ষী ভক্তিবশ্যো হ্যক্রূরমণিদাযকঃ .. ১০০..
শতধন্বাপ্রাণহারী ঋক্ষরাজসুতাপ্রিযঃ .
সত্রাজিত্তনযাকান্তো মিত্রবিন্দাপহারকঃ .. ১০১.
সত্যাপতির্লক্ষ্মণাজিত্পূজ্যো ভদ্রাপ্রিযঙ্করঃ .
নরকাসুরঘাতী চ লীলাকন্যাহরো জযী .. ১০২..
মুরারির্মদনেশোঽপি ধরিত্রীদুঃখনাশনঃ .
বৈনতেযী স্বর্গগামী অদিত্য কুণ্ডলপ্রদঃ .. ১০৩..
ইন্দ্রার্চিতো রমাকান্তো বজ্রিভার্যাপ্রপূজিতঃ .
পারিজাতাপহারী চ শক্রমানাপহারকঃ .. ১০৪..
প্রদ্যুম্নজনকঃ সাম্বতাতো বহুসুতো বিধুঃ .
গর্গাচার্যঃ সত্যগতির্ধর্মাধারো ধরাধরঃ .. ১০৫..
দ্বারকামণ্ডনঃ শ্লোক্যঃ সুশ্লোকো নিগমালযঃ .
পৌণ্ড্রকপ্রাণহারী চ কাশীরাজশিরোহরঃ .. ১০৬..
অবৈষ্ণববিপ্রদাহী সুদক্ষিণভযাবহঃ .
জরাসন্ধবিদারী চ ধর্মনন্দনযজ্ঞকৃত্ .. ১০৭..
শিশুপালশিরশ্ছেদী দন্তবক্ত্রবিনাশনঃ .
বিদূরথান্তকঃ শ্রীশঃ শ্রীদো দ্বিবিদনাশনঃ .. ১০৮..
রুক্মিণীমানহারী চ রুক্মিণীমানবর্দ্ধনঃ .
দেবর্ষিশাপহর্তা চ দ্রৌপদীবাক্যপালকঃ .. ১০৯..
দুর্বাসোভযহারী চ পাঞ্চালীস্মরণাগতঃ .
পার্থদূতঃ পার্থমন্ত্রী পার্থদুঃখৌঘনাশনঃ .. ১১০..
পার্থমানাপহারী চ পার্থজীবনদাযকঃ .
পাঞ্চালীবস্ত্রদাতা চ বিশ্বপালকপালকঃ .. ১১১..
শ্বেতাশ্বসারথিঃ সত্যঃ সত্যসাধ্যো ভযাপহঃ .
সত্যসন্ধঃ সত্যরতিঃ সত্যপ্রিয উদারধীঃ .. ১১২..
মহাসেনজযী চৈব শিবসৈন্যবিনাশনঃ .
বাণাসুরভুজচ্ছেত্তা বাণবাহুবরপ্রদঃ .. ১১৩..
তার্ক্ষ্যমানাপহারী চ তার্ক্ষ্যতেজোবিবর্দ্ধনঃ .
রামস্বরূপধারী চ সত্যভামামুদাবহঃ .. ১১৪..
রত্নাকরজলক্রীডো ব্রজলীলাপ্রদর্শকঃ .
স্বপ্রতিজ্ঞাপরিধ্বংসী ভীষ্মাজ্ঞাপরিপালকঃ .. ১১৫..
বীরাযুধহরঃ কালঃ কালিকেশো মহাবলঃ .
বর্বরীষশিরোহারী বর্বরীষশিরঃপ্রদঃ .. ১১৬..
ধর্মপুত্রজযী শূরদুর্যোধনমদান্তকঃ .
গোপিকাপ্রীতিনির্বন্ধনিত্যক্রীডো ব্রজেশ্বরঃ .. ১১৭..
রাধাকুণ্ডরতির্ধন্যঃ সদান্দোলসমাশ্রিতঃ .
সদামধুবনানন্দী সদাবৃন্দাবনপ্রিযঃ .. ১১৮..
অশোকবনসন্নদ্ধঃ সদাতিলকসঙ্গতঃ .
সদাগোবর্দ্ধনরতিঃ সদা গোকুলবল্লভঃ .. ১১৯..
ভাণ্ডীরবটসংবাসী নিত্যং বংশীবটস্থিতঃ .
নন্দগ্রামকৃতাবাসো বৃষভানুগ্রহপ্রিযঃ .. ১২০..
গৃহীতকামিনীরূপো নিত্যং রাসবিলাসকৃত্ .
বল্লবীজনসঙ্গোপ্তা বল্লবীজনবল্লভঃ .. ১২১..
দেবশর্মকৃপাকর্তা কল্পপাদপসংস্থিতঃ .
শিলানুগন্ধনিলযঃ পাদচারী ঘনচ্ছবিঃ .. ১২২..
অতসীকুসুমপ্রখ্যঃ সদা লক্ষ্মীকৃপাকরঃ .
ত্রিপুরারিপ্রিযকরো হ্যুগ্রধন্বাপরাজিতঃ .. ১২৩..
ষড্ধুরধ্বংসকর্তা চ নিকুম্ভপ্রাণহারকঃ .
বজ্রনাভপুরধ্বংসী পৌণ্ড্রকপ্রাণহারকঃ .. ১২৪..
বহুলাশ্বপ্রীতিকর্তা দ্বিজবর্যপ্রিযঙ্করঃ .
শিবসঙ্কটহারী চ বৃকাসুরবিনাশনঃ .. ১২৫..
ভৃগুসত্কারকারী চ শিবসাত্ত্বিকতাপ্রদঃ .
গোকর্ণপূজকঃ সাম্বকুষ্ঠবিধ্বংসকারণঃ .. ১২৬..
বেদস্তুতো বেদবেত্তা যদুবংশবিবর্দ্ধনঃ .
যদুবংশবিনাশী চ উদ্ধবোদ্ধারকারকঃ .. ১২৭..
রাধা চ রাধিকা চৈব আনন্দা বৃষভানুজা .
বৃন্দাবনেশ্বরী পুণ্যা কৃষ্ণমানসহারিণী .. ১২৮..
প্রগল্ভা চতুরা কামা কামিনী হরিমোহিনী .
ললিতা মধুরা মাধ্বী কিশোরী কনকপ্রভা .. ১২৯..
জিতচন্দ্রা জিতমৃগা জিতসিংহা জিতদ্বিপা .
জিতরম্ভা জিতপিকা গোবিন্দহৃদযোদ্ভবা .. ১৩০..
জিতবিম্বা জিতশুকা জিতপদ্মা কুমারিকা .
শ্রীকৃষ্ণাকর্ষণা দেবী নিত্যং যুগ্মস্বরূপিণী .. ১৩১..
নিত্যং বিহারিণী কান্তা রসিকা কৃষ্ণবল্লভা .
আমোদিনী মোদবতী নন্দনন্দনভূষিতা .. ১৩২..
দিব্যাম্বরা দিব্যহারা মুক্তামণিবিভূষিতা .
কুঞ্জপ্রিযা কুঞ্জবাসা কুঞ্জনাযকনাযিকা .. ১৩৩..
চারুরূপা চারুবক্ত্রা চারুহেমাঙ্গদা শুভা .
শ্রীকৃষ্ণবেণুসঙ্গীতা মুরলীহারিণী শিবা .. ১৩৪..
ভদ্রা ভগবতী শান্তা কুমুদা সুন্দরী প্রিযা .
কৃষ্ণক্রীডা কৃষ্ণরতিঃ শ্রীকৃষ্ণসহচারিণী .. ১৩৫..
বংশীবটপ্রিযস্থানা যুগ্মাযুগ্মস্বরূপিণী .
ভাণ্ডীরবাসিনী শুভ্রা গোপীনাথপ্রিযা সখী .. ১৩৬..
শ্রুতিনিঃশ্বসিতা দিব্যা গোবিন্দরসদাযিনী .
শ্রীকৃষ্ণপ্রার্থনীশানা মহানন্দপ্রদাযিনী .. ১৩৭..
বৈকুণ্ঠজনসংসেব্যা কোটিলক্ষ্মীসুখাবহা .
কোটিকন্দর্পলাবণ্যা রতিকোটিরতিপ্রদা .. ১৩৮..
ভক্তিগ্রাহ্যা ভক্তিরূপা লাবণ্যসরসী উমা .
ব্রহ্মরুদ্রাদিসংরাধ্যা নিত্যং কৌতূহলান্বিতা .. ১৩৯..
নিত্যলীলা নিত্যকামা নিত্যশৃঙ্গারভূষিতা .
নিত্যবৃন্দাবনরসা নন্দনন্দনসংযুতা .. ১৪০..
গোপিকামণ্ডলীযুক্তা নিত্যং গোপালসঙ্গতা .
গোরসক্ষেপণী শূরা সানন্দানন্দদাযিনী .. ১৪১..
মহালীলা প্রকৃষ্টা চ নাগরী নগচারিণী .
নিত্যমাঘূর্ণিতা পূর্ণা কস্তূরীতিলকান্বিতা .. ১৪২..
পদ্মা শ্যামা মৃগাক্ষী চ সিদ্ধিরূপা রসাবহা .
কোটিচন্দ্রাননা গৌরী কোটিকোকিলসুস্বরা .. ১৪৩..
শীলসৌন্দর্যনিলযা নন্দনন্দনলালিতা .
অশোকবনসংবাসা ভাণ্ডীরবনসঙ্গতা .. ১৪৪..
কল্পদ্রুমতলাবিষ্টা কৃষ্ণা বিশ্বা হরিপ্রিযা .
অজাগম্যা ভবাগম্যা গোবর্দ্ধনকৃতালযা .. ১৪৫..
যমুনাতীরনিলযা শশ্বদ্গোবিন্দজল্পিনী .
শশ্বন্মানবতী স্নিগ্ধা শ্রীকৃষ্ণপরিবন্দিতা .. ১৪৬..
কৃষ্ণস্তুতা কৃষ্ণবৃতা শ্রীকৃষ্ণহৃদযালযা .
দেবদ্রুমফলা সেব্যা বৃন্দাবনরসালযা .. ১৪৭..
কোটিতীর্থমযী সত্যা কোটিতীর্থফলপ্রদা .
কোটিযোগসুদুষ্প্রাপ্যা কোটিযজ্ঞদুরাশ্রযা .. ১৪৮..
মনসা শশিলেখা চ শ্রীকোটিসুভগাঽনঘা .
কোটিমুক্তসুখা সৌম্যা লক্ষ্মীকোটিবিলাসিনী .. ১৪৯..
তিলোত্তমা ত্রিকালস্থা ত্রিকালজ্ঞাপ্যধীশ্বরী .
ত্রিবেদজ্ঞা ত্রিলোকজ্ঞা তুরীযান্তনিবাসিনী .. ১৫০..
দুর্গারাধ্যা রমারাধ্যা বিশ্বারাধ্যা চিদাত্মিকা .
দেবারাধ্যা পরারাধ্যা ব্রহ্মারাধ্যা পরাত্মিকা .. ১৫১..
শিবারাধ্যা প্রেমসাধ্যা ভক্তারাধ্যা রসাত্মিকা .
কৃষ্ণপ্রাণার্পিণী ভামা শুদ্ধপ্রেমবিলাসিনী .. ১৫২..
কৃষ্ণারাধ্যা ভক্তিসাধ্যা ভক্তবৃন্দনিষেবিতা .
বিশ্বাধারা কৃপাধারা জীবধারাতিনাযিকা .. ১৫৩..
শুদ্ধপ্রেমমযী লজ্জা নিত্যসিদ্ধা শিরোমণিঃ .
দিব্যরূপা দিব্যভোগা দিব্যবেষা মুদান্বিতা .. ১৫৪..
দিব্যাঙ্গনাবৃন্দসারা নিত্যনূতনযৌবনা .
পরব্রহ্মাবৃতা ধ্যেযা মহারূপা মহোজ্জ্বলা .. ১৫৫..
কোটিসূর্যপ্রভা কোটিচন্দ্রবিম্বাধিকচ্ছবিঃ .
কোমলামৃতবাগাদ্যা বেদাদ্যা বেদদুর্লভা .. ১৫৬..
কৃষ্ণাসক্তা কৃষ্ণভক্তা চন্দ্রাবলিনিষেবিতা .
কলাষোডশসম্পূর্ণা কৃষ্ণদেহার্দ্ধধারিণী .. ১৫৭..
কৃষ্ণবুদ্ধিঃ কৃষ্ণসারা কৃষ্ণরূপবিহারিণী .
কৃষ্ণকান্তা কৃষ্ণধনা কৃষ্ণমোহনকারিণী .. ১৫৮..
কৃষ্ণদৃষ্টিঃ কৃষ্ণগোত্রী কৃষ্ণদেবী কুলোদ্বহা .
সর্বভূতস্থিতাবাত্মা সর্বলোকনমস্কৃতা .. ১৫৯..
কৃষ্ণদাত্রী প্রেমধাত্রী স্বর্ণগাত্রী মনোরমা .
নগধাত্রী যশোদাত্রী মহাদেবী শুভঙ্করী .. ১৬০..
শ্রীশেষদেবজননী অবতারগণপ্রসূঃ .
উত্পলাঙ্কারবিন্দাঙ্কা প্রসাদাঙ্কা দ্বিতীযকা .. ১৬১..
রথাঙ্কা কুঞ্জরাঙ্কা চ কুণ্ডলাঙ্কপদস্থিতা .
ছত্রাঙ্কা বিদ্যুদঙ্কা চ পুষ্পমালাঙ্কিতাপি চ .. ১৬২..
দণ্ডাঙ্কা মুকুটাঙ্কা চ পূর্ণচন্দ্রা শুকাঙ্কিতা .
কৃষ্ণান্নাহারপাকা চ বৃন্দাকুঞ্জবিহারিণী .. ১৬৩..
কৃষ্ণপ্রবোধনকরী কৃষ্ণশেষান্নভোজিনী .
পদ্মকেসরমধ্যস্থা সঙ্গীতাগমবেদিনী .. ১৬৪..
কোটিকল্পান্তভ্রূভঙ্গা অপ্রাপ্তপ্রলযাচ্যুতা .
সর্বসত্ত্বনিধিঃ পদ্মশঙ্খাদিনিধিসেবিতা .. ১৬৫..
অণিমাদিগুণৈশ্বর্যা দেববৃন্দবিমোহিনী .
সর্বানন্দপ্রদা সর্বা সুবর্ণলতিকাকৃতিঃ .. ১৬৬..
কৃষ্ণাভিসারসঙ্কেতা মালিনী নৃত্যপণ্ডিতা .
গোপীসিন্ধুসকাশাহ্বা গোপমণ্ডপশোভিনী .. ১৬৭..
শ্রীকৃষ্ণপ্রীতিদা ভীতা প্রত্যঙ্গপুলকাঞ্চিতা .
শ্রীকৃষ্ণালিঙ্গনরতা গোবিন্দবিরহাক্ষমা .. ১৬৮..
অনন্তগুণসম্পন্না কৃষ্ণকীর্তনলালসা .
বীজত্রযমযী মূর্তিঃ কৃষ্ণানুগ্রহবাঞ্ছিতা .. ১৬৯..
বিমলাদিনিষেব্যা চ ললিতাদ্যর্চিতা সতী .
পদ্মবৃন্দস্থিতা হৃষ্টা ত্রিপুরাপরিসেবিতা .. ১৭০..
বৃন্তাবত্যর্চিতা শ্রদ্ধা দুর্জ্ঞেযা ভক্তবল্লভা .
দুর্লভা সান্দ্রসৌখ্যাত্মা শ্রেযোহেতুঃ সুভোগদা .. ১৭১..
সারঙ্গা শারদা বোধা সদ্বৃন্দাবনচারিণী .
ব্রহ্মানন্দা চিদানন্দা ধ্যানানন্দার্দ্ধমাত্রিকা .. ১৭২..
গন্ধর্বা সুরতজ্ঞা চ গোবিন্দপ্রাণসঙ্গমা .
কৃষ্ণাঙ্গভূষণা রত্নভূষণা স্বর্ণভূষিতা .. ১৭৩..
শ্রীকৃষ্ণহৃদযাবাসমুক্তাকনকনালি(orসি)কা .
সদ্রত্নকঙ্কণযুতা শ্রীমন্নীলগিরিস্থিতা .. ১৭৪..
স্বর্ণনূপুরসম্পন্না স্বর্ণকিঙ্কিণিমণ্ডিতা .
অশোষরাসকুতুকা রম্ভোরূস্তনুমধ্যমা .. ১৭৫..
পরাকৃতিঃ পরানন্দা পরস্বর্গবিহারিণী .
প্রসূনকবরী চিত্রা মহাসিন্দূরসুন্দরী .. ১৭৬..
কৈশোরবযসা বালা প্রমদাকুলশেখরা .
কৃষ্ণাধরসুধাস্বাদা শ্যামপ্রেমবিনোদিনী .. ১৭৭..
শিখিপিচ্ছলসচ্চূডা স্বর্ণচম্পকভূষিতা .
কুঙ্কুমালক্তকস্তূরীমণ্ডিতা চাপরাজিতা .. ১৭৮..
হেমহারান্বিতা পুষ্পাহারাঢ্যা রসবত্যপি .
মাধুর্য্যমধুরা পদ্মা পদ্মহস্তা সুবিশ্রুতা .. ১৭৯..
ভ্রূভঙ্গাভঙ্গকোদণ্ডকটাক্ষশরসন্ধিনী .
শেষদেবা শিরস্থা চ নিত্যস্থলবিহারিণী .. ১৮০..
কারুণ্যজলমধ্যস্থা নিত্যমত্তাধিরোহিণী .
অষ্টভাষবতী চাষ্টনাযিকা লক্ষণান্বিতা .. ১৮১..
সুনীতিজ্ঞা শ্রুতিজ্ঞা চ সর্বজ্ঞা দুঃখহারিণী .
রজোগুণেশ্বরী চৈব শরচ্চন্দ্রনিভাননা .. ১৮২..
কেতকীকুসুমাভাসা সদা সিন্ধুবনস্থিতা .
হেমপুষ্পাধিককরা পঞ্চশক্তিমযী হিতা .. ১৮৩..
স্তনকুম্ভী নরাঢ্যা চ ক্ষীণাপুণ্যা যশস্বিনী .
বৈরাজসূযজননী শ্রীশা ভুবনমোহিনী .. ১৮৪..
মহাশোভা মহামাযা মহাকান্তির্মহাস্মৃতিঃ .
মহামোহা মহাবিদ্যা মহাকীর্তির্মহারতিঃ .. ১৮৫..
মহাধৈর্যা মহাবীর্যা মহাশক্তির্মহাদ্যুতিঃ .
মহাগৌরী মহাসম্পন্মহাভোগবিলাসিনী .. ১৮৬..
সমযা ভক্তিদাশোকা বাত্সল্যরসদাযিনী .
সুহৃদ্ভক্তিপ্রদা স্বচ্ছা মাধুর্যরসবর্ষিণী .. ১৮৭..
ভাবভক্তিপ্রদা শুদ্ধপ্রেমভক্তিবিধাযিনী .
গোপরামাভিরামা চ ক্রীডারামা পরেশ্বরী .. ১৮৮..
নিত্যরামা চাত্মরামা কৃষ্ণরামা রমেশ্বরী .
একানেকজগদ্ব্যাপ্তা বিশ্বলীলাপ্রকাশিনী .. ১৮৯..
সরস্বতীশা দুর্গেশা জগদীশা জগদ্বিধিঃ .
বিষ্ণুবংশনিবাসা চ বিষ্ণুবংশসমুদ্ভবা .. ১৯০..
বিষ্ণুবংশস্তুতা কর্ত্রী বিষ্ণুবংশাবনী সদা .
আরামস্থা বনস্থা চ সূর্য্যপুত্র্যবগাহিনী .. ১৯১..
প্রীতিস্থা নিত্যযন্ত্রস্থা গোলোকস্থা বিভূতিদা .
স্বানুভূতিস্থিতা ব্যক্তা সর্বলোকনিবাসিনী .. ১৯২..
অমৃতা হ্যদ্ভুতা শ্রীমন্নারাযণসমীডিতা .
অক্ষরাপি চ কূটস্থা মহাপুরুষসম্ভবা .. ১৯৩..
ঔদার্যভাবসাধ্যা চ স্থূলসূক্ষ্মাতিরূপিণী .
শিরীষপুষ্পমৃদুলা গাঙ্গেযমুকুরপ্রভা .. ১৯৪..
নীলোত্পলজিতাক্ষী চ সদ্রত্নকবরান্বিতা .
প্রেমপর্যঙ্কনিলযা তেজোমণ্ডলমধ্যগা .. ১৯৫..
কৃষ্ণাঙ্গগোপনাঽভেদা লীলাবরণনাযিকা .
সুধাসিন্ধুসমুল্লাসামৃতাস্যন্দবিধাযিনী .. ১৯৬..
কৃষ্ণচিত্তা রাসচিত্তা প্রেমচিত্তা হরিপ্রিযা .
অচিন্তনগুণগ্রামা কৃষ্ণলীলা মলাপহা .. ১৯৭..
রাসসিন্ধুশশাঙ্কা চ রাসমণ্ডলমণ্ডিনী .
নতব্রতা সিংহরীচ্ছা সুমূর্তিঃ সুরবন্দিতা .. ১৯৮..
গোপীচূডামণির্গোপী গণেড্যা বিরজাধিকা .
গোপপ্রেষ্ঠা গোপকন্যা গোপনারী সুগোপিকা .. ১৯৯..
গোপধামা সুদামাম্বা গোপালী গোপমোহিনী .
গোপভূষা কৃষ্ণভূষা শ্রীবৃন্দাবনচন্দ্রিকা .. ২০০..
বীণাদিঘোষনিরতা রাসোত্সববিকাসিনী .
কৃষ্ণচেষ্টা পরিজ্ঞাতা কোটিকন্দর্পমোহিনী .. ২০১..
শ্রীকৃষ্ণগুণনাগাঢ্যা দেবসুন্দরিমোহিনী .
কৃষ্ণচন্দ্রমনোজ্ঞা চ কৃষ্ণদেবসহোদরী .. ২০২..
কৃষ্ণাভিলাষিণী কৃষ্ণপ্রেমানুগ্রহবাংছিতা .
ক্ষেমা চ মধুরালাপা ভ্রুবোমাযা সুভদ্রিকা .. ২০৩..
প্রকৃতিঃ পরমানন্দা নীপদ্রুমতলস্থিতা .
কৃপাকটাক্ষা বিম্বোষ্ঠী রম্ভা চারুনিতম্বিনী .. ২০৪..
স্মরকেলিনিধানা চ গণ্ডতাটঙ্কমণ্ডিতা .
হেমাদ্রিকান্তিরুচিরা প্রেমাদ্যা মদমন্থরা .. ২০৫..
কৃষ্ণচিন্তা প্রেমচিন্তা রতিচিন্তা চ কৃষ্ণদা .
রাসচিন্তা ভাবচিন্তা শুদ্ধচিন্তা মহারসা .. ২০৬..
কৃষ্ণাদৃষ্টিত্রুটিযুগা দৃষ্টিপক্ষ্মিবিনিন্দিনী .
কন্দর্পজননী মুখ্যা বৈকুণ্ঠগতিদাযিনী .. ২০৭..
রাসভাবা প্রিযাশ্লিষ্টা প্রেষ্ঠা প্রথমনাযিকা .
শুদ্ধা সুধাদেহিনী চ শ্রীরামা রসমঞ্জরী .. ২০৮..
সুপ্রভাবা শুভাচারা স্বর্ণদী নর্মদাম্বিকা .
গোমতী চন্দ্রভাগেড্যা সরযূস্তাম্রপর্ণিসূঃ .. ২০৯..
নিষ্কলঙ্কচরিত্রা চ নির্গুণা চ নিরঞ্জনা .
এতন্নামসহস্রং তু যুগ্মরূপস্য নারদ .. ২১০..
পঠনীযং প্রযত্নেন বৃন্দাবনরসাবহে .
মহাপাপপ্রশমনং বন্ধ্যাত্ববিনিবর্তকম্ .. ২১১..
দারিদ্র্যশমনং রোগনাশনং কামদং মহত্ .
পাপাপহং বৈরিহরং রাধামাধবভক্তিদম্ .. ২১২..
নমস্তস্মৈ ভগবতে কৃষ্ণাযাকুণ্ঠমেধসে .
রাধাসঙ্গসুধাসিন্ধৌ নমো নিত্যবিহারিণে .. ২১৩..
রাধাদেবী জগত্কর্ত্রী জগত্পালনতত্পরা .
জগল্লযবিধাত্রী চ সর্বেশী সর্বসূতিকা .. ২১৪..
তস্যা নামসহস্রং বৈ মযা প্রোক্তং মুনীশ্বর .
ভুক্তিমুক্তিপ্রদং দিব্যং কিং ভূযঃ শ্রোতুমিচ্ছসি .. ২১৫..
.. ইতি শ্রীবৃহন্নারদীযপুরাণে পূর্বভাগে
বৃহদুপাখ্যানে তৃতীযপাদে
রাধাকৃষ্ণসহস্রনামকথনং নাম
দ্ব্যশীতিতমোঽধ্যাযঃ ..
|
|
Views: 832 |
Added by: নামহীন
| Tags:
| Rating: 0.0/0 |
| Total comments: 2 | |
|
0   1
Hinduism (15-08-2011 1:09 AM)
[ Entry]
ধন্যবাদ দাদা, এত সুন্দর একটা জিনিস শেয়ার করার জন্য।
|
0 2
rajendra (15-08-2011 5:50 PM)
[ Entry]
নিষ্কলঙ্কচরিত্রা চ নির্গুণা চ নিরঞ্জনা .
এতন্নামসহস্রং তু যুগ্মরূপস্য নারদ .
চমৎকার কিছু কথা
|
|
|
|
