Saturday
23-11-2024
7:35 PM |
Welcome Guest
Main | Registration | Login | RSS |
| Statistics |
|---|
Total online: 32 Guests: 32 Users: 0 |
|
Hinduism Site
হিন্দু ধর্ম ব্লগMain » 2011 » August » 13 » অনুগীতা
Added by: শকুন্তলা-দেবী
|
জ্
সভাযাং বসতোস্তস্যাং নিহত্যারীন্মহাত্মনোঃ .
কেশবার্জুনযোঃ কা নু কথা সমভবদ্দ্বিজ .. ১..
ব্
কৃষ্ণেন সহিতঃ পার্থঃ স্বরাজ্যং প্রাপ্য কেবলম্ .
তস্যাং সভাযাং রম্যাযাং বিজহার মুদা যুতঃ .. ২..
ততঃ কং চিত্সভোদ্দেশং স্বর্গোদ্দেশ সমং নৃপ .
যদৃচ্ছযা তৌ মুদিতৌ জগ্মতুঃ স্বজনাবৃতৌ .. ৩..
ততঃ প্রতীতঃ কৃষ্ণেন সহিতঃ পাণ্ডবোঽর্জুনঃ .
নিরীক্ষ্য তাং সভাং রম্যামিদং বচনমব্রবীত্ .. ৪..
বিদিতং তে মহাবাহো সঙ্গ্রামে সমুপস্থিতে .
মাহাত্ম্যং দেবকী মাতস্তচ্চ তে রূপমৈশ্বরম্ .. ৫..
যত্তু তদ্ভবতা প্রোক্তং তদা কেশব সৌহৃদাত্ .
তত্সর্বং পুরুষব্যাঘ্র নষ্টং মে নষ্টচেতসঃ .. ৬..
মম কৌতূহলং ত্বস্তি তেষ্বর্থেষু পুনঃ প্রভো .
ভবাংশ্চ দ্বারকাং গন্তা নচিরাদিব মাধব .. ৭..
এবমুক্তস্ততঃ কৃষ্ণঃ ফল্গুনং প্রত্যভাষত .
পরিষ্বজ্য মহাতেজা বচনং বদতাং বরঃ .. ৮..
শ্রাবিতস্ত্বং মযা গুহ্যং জ্ঞাপিতশ্চ সনাতনম্ .
ধর্মং স্বরূপিণং পার্থ সর্বলোকাংশ্চ শাশ্বতান্ .. ৯..
অবুদ্ধ্বা যন্ন গৃহ্ণীথাস্তন্মে সুমহদপ্রিযম্ .
নূনমশ্রদ্দধানোঽসি দুর্মেধাশ্চাসি পাণ্ডব .. ১০..
স হি ধর্মঃ সুপর্যাপ্তো ব্রহ্মণঃ পদবেদনে .
ন শক্যং তন্মযা ভূযস্তথা বক্তুমশেষতঃ .. ১১..
পরং হি ব্রহ্ম কথিতং যোগযুক্তেন তন্মযা .
ইতিহাসং তু বক্ষ্যামি তস্মিন্নর্থে পুরাতনম্ .. ১২..
যথা তাং বুদ্ধিমাস্থায গতিমগ্র্যাং গমিষ্যসি .
শৃণু ধর্মভৃতাং শ্রেষ্ঠ গদতঃ সর্বমেব মে .. ১৩..
আগচ্ছদ্ব্রাহ্মণঃ কশ্চিত্স্বর্গলোকাদরিন্দম .
ব্রহ্মলোকাচ্চ দুর্ধর্ষঃ সোঽস্মাভিঃ পূজিতোঽভবত্ .. ১৪..
অস্মাভিঃ পরিপৃষ্টশ্চ যদাহ ভরতর্ষভ .
দিব্যেন বিধিনা পার্থ তচ্ছৃণুষ্বাবিচারযন্ .. ১৫..
ব্র্
মোক্ষধর্মং সমাশ্রিত্য কৃষ্ণ যন্মানুপৃচ্ছসি .
ভূতানামনুকম্পার্থং যন্মোহচ্ছেদনং প্রভো .. ১৬..
তত্তেঽহং সম্প্রবক্ষ্যামি যথাবন্মধুসূদন .
শৃণুষ্বাবহিতো ভূত্বা গদতো মম মাধব .. ১৭..
কশ্চিদ্বিপ্রস্তপো যুক্তঃ কাশ্যপো ধর্মবিত্তমঃ .
আসসাদ দ্বিজং কং চিদ্ধর্মাণামাগতাগমম্ .. ১৮..
গতাগতে সুবহুশো জ্ঞানবিজ্ঞানপারগম্ .
লোকতত্ত্বার্থ কুশলং জ্ঞাতারং সুখদুঃখযোঃ .. ১৯..
জাতী মরণতত্ত্বজ্ঞং কোবিদং পুণ্যপাপযোঃ .
দ্রষ্টারমুচ্চনীচানাং কর্মভির্দেহিনাং গতিম্ .. ২০..
চরন্তং মুক্তবত্সিদ্ধং প্রশান্তং সংযতেন্দ্রিযম্ .
দীপ্যমানং শ্রিযা ব্রাহ্ম্যা ক্রমমাণং চ সর্বশঃ .. ২১..
অন্তর্ধানগতিজ্ঞং চ শ্রুত্বা তত্ত্বেন কাশ্যপঃ .
তথৈবান্তর্হিতৈঃ সিদ্ধৈর্যান্তং চক্রধরৈঃ সহ .. ২২..
সম্ভাষমাণমেকান্তে সমাসীনং চ তৈঃ সহ .
যদৃচ্ছযা চ গচ্ছন্তমসক্তং পবনং যথা .. ২৩..
তং সমাসাদ্য মেধাবী স তদা দ্বিজসত্তমঃ .
চরণৌ ধর্মকামো বৈ তপস্বী সুসমাহিতঃ .
প্রতিপেদে যথান্যাযং ভক্ত্যা পরমযা যুতঃ .. ২৪..
বিস্মিতশ্চাদ্ভুতং দৃষ্ট্বা কাশ্যপস্তং দ্বিজোত্তমম্ .
পরিচারেণ মহতা গুরুং বৈদ্যমতোষযত্ .. ২৫..
প্রীতাত্মা চোপপন্নশ্চ শ্রুতচারিত্য সংযুতঃ .
ভাবেন তোষযচ্চৈনং গুরুবৃত্ত্যা পরন্তপঃ .. ২৬..
তস্মৈ তুষ্টঃ স শিষ্যায প্রসন্নোঽথাব্রবীদ্গুরুঃ .
সিদ্ধিং পরামভিপ্রেক্ষ্য শৃণু তন্মে জনার্দন .. ২৭..
বিবিধৈঃ কর্মভিস্তাত পুণ্যযোগৈশ্চ কেবলৈঃ .
গচ্ছন্তীহ গতিং মর্ত্যা দেবলোকেঽপি চ স্থিতিম্ .. ২৮..
ন ক্ব চিত্সুখমত্যন্তং ন ক্ব চিচ্ছাশ্বতী স্থিতিঃ .
স্থানাচ্চ মহতো ভ্রংশো দুঃখলব্ধাত্পুনঃ পুনঃ .. ২৯..
অশুভা গতযঃ প্রাপ্তাঃ কষ্টা মে পাপসেবনাত্ .
কামমন্যুপরীতেন তৃষ্ণযা মোহিতেন চ .. ৩০..
পুনঃ পুনশ্চ মরণং জন্ম চৈব পুনঃ পুনঃ .
আহারা বিবিধা ভুক্তাঃ পীতা নানাবিধাঃ স্তনাঃ .. ৩১..
মাতরো বিবিধা দৃষ্টাঃ পিতরশ্চ পৃথগ্বিধাঃ .
সুখানি চ বিচিত্রাণি দুঃখানি চ মযানঘ .. ৩২..
প্রিযৈর্বিবাসো বহুশঃ সংবাসশ্চাপ্রিযৈঃ সহ .
ধননাশশ্চ সম্প্রাপ্তো লব্ধ্বা দুঃখেন তদ্ধনম্ .. ৩৩..
অবমানাঃ সুকষ্টাশ্চ পরতঃ স্বজনাত্তথা .
শারীরা মানসাশ্চাপি বেদনা ভৃশদারুণাঃ .. ৩৪..
প্রাপ্তা বিমাননাশ্চোগ্রা বধবন্ধাশ্চ দারুণাঃ .
পতনং নিরযে চৈব যাতনাশ্চ যমক্ষযে .. ৩৫..
জরা রোগাশ্চ সততং বাসনানি চ ভূরিশঃ .
লোকেঽস্মিন্ননুভূতানি দ্বন্দ্বজানি ভৃশং মযা .. ৩৬..
ততঃ কদা চিন্নির্বেদান্নিকারান্নিকৃতেন চ .
লোকতন্ত্রং পরিত্যক্তং দুঃখার্তেন ভৃশং মযা .
ততঃ সিদ্ধিরিযং প্রাপ্তা প্রসাদাদাত্মনো মযা .. ৩৭..
নাহং পুনরিহাগন্তা লোকানালোকযাম্যহম্ .
আ সিদ্ধেরা প্রজা সর্গাদাত্মনো মে গতিঃ শুভা .. ৩৮..
উপলব্ধা দ্বিজশ্রেষ্ঠ তথেযং সিদ্ধিরুত্তমা .
ইতঃ পরং গমিষ্যামি ততঃ পরতরং পুনঃ .
ব্রহ্মণঃ পদমব্যগ্রং মা তেঽভূদত্র সংশযঃ .. ৩৯..
নাহং পুনরিহাগন্তা মর্ত্যলোকে পরন্তপ .
প্রীতোঽস্মি তে মহাপ্রাজ্ঞ ব্রূহি কিং করবাণি তে .. ৪০..
যদীপ্সুরুপপন্নস্ত্বং তস্য কালোঽযমাগতঃ .
অভিজানে চ তদহং যদর্থং মা ত্বমাগতঃ .
অচিরাত্তু গমিষ্যামি যেনাহং ত্বামচূচুদম্ .. ৪১..
ভৃশং প্রীতোঽস্মি ভবতশ্চারিত্রেণ বিচক্ষণ .
পরিপৃচ্ছ যাবদ্ভবতে ভাষেযং যত্তবেপ্সিতম্ .. ৪২..
বহু মন্যে চ তে বুদ্ধিং ভৃশং সম্পূজযামি চ .
যেনাহং ভবতা বুদ্ধো মেধাবী হ্যসি কাশ্যপ .. ৪৩..
বা
ততস্তস্যোপসঙ্গৃহ্য পাদৌ প্রশ্নান্সুদুর্বচান্ .
পপ্রচ্ছ তাংশ্চ সর্বান্স প্রাহ ধর্মভৃতাং বরঃ .. ১..
কাজ্যপ
কথং শরীরং চ্যবতে কথং চৈবোপপদ্যতে .
কথং কষ্টাচ্চ সংসারাত্সংসরন্পরিমুচ্যতে .. ২..
আত্মানং বা কথং যুক্ত্বা তচ্ছরীরং বিমুঞ্চতি .
শরীরতশ্চ নির্মুক্তঃ কথমন্যত্প্রপদ্যতে .. ৩..
কথং শুভাশুভে চাযং কর্মণী স্বকৃতে নরঃ .
উপভুঙ্ক্তে ক্ব বা কর্ম বিদেহস্যোপতিষ্ঠতি .. ৪..
ব্র্
এবং সঞ্চোদিতঃ সিদ্ধঃ প্রশ্নাংস্তান্প্রত্যভাষত .
আনুপূর্ব্যেণ বার্ষ্ণেয যথা তন্মে বচঃ শৃণু .. ৫..
সিদ্ধ
আযুঃ কীর্তিকরাণীহ যানি কর্মাণি সেবতে .
শরীরগ্রহণেঽন্যস্মিংস্তেষু ক্ষীণেষু সর্বশঃ .. ৬..
আযুঃ ক্ষযপরীতাত্মা বিপরীতানি সেবতে .
বুদ্ধির্ব্যাবর্ততে চাস্য বিনাশে প্রত্যুপস্থিতে .. ৭..
সত্ত্বং বলং চ কালং চাপ্যবিদিত্বাত্মনস্তথা .
অতিবেলমুপাশ্নাতি তৈর্বিরুদ্ধান্যনাত্মবান্ .. ৮..
যদাযমতিকষ্টানি সর্বাণ্যুপনিষেবতে .
অত্যর্থমপি বা ভুঙ্ক্তে ন বা ভুঙ্ক্তে কদা চন .. ৯..
দুষ্টান্নং বিষমান্নং চ সোঽন্যোন্যেন বিরোধি চ .
গুরু বাপি সমং ভুঙ্ক্তে নাতিজীর্ণেঽপি বা পুনঃ .. ১০..
ব্যাযামমতিমাত্রং বা ব্যবাযং চোপসেবতে .
সততং কর্ম লোভাদ্বা প্রাপ্তং বেগবিধারণম্ .. ১১..
রসাতিযুক্তমন্নং বা দিবা স্বপ্নং নিষেবতে .
অপক্বানাগতে কালে স্বযং দোষান্প্রকোপযন্ .. ১২..
স্বদোষকোপনাদ্রোগং লভতে মরণান্তিকম্ .
অথ চোদ্বন্ধনাদীনি পরীতানি ব্যবস্যতি .. ১৩..
তস্য তৈঃ কারণৈর্জন্তোঃ শরীরাচ্চ্যবতে যথা .
জীবিতং প্রোচ্যমানং তদ্যথাবদুপধারয .. ১৪..
ঊষ্মা প্রকুপিতঃ কাযে তীব্রবাযুসমীরিতঃ .
শরীরমনুপর্যেতি সর্বান্প্রাণান্রুণদ্ধি বৈ .. ১৫..
অত্যর্থং বলবানূষ্মা শরীরে পরিকোপিতঃ .
ভিনত্তি জীব স্থানানি তানি মর্মাণি বিদ্ধি চ .. ১৬..
ততঃ স বেদনঃ সদ্যো জীবঃ প্রচ্যবতে ক্ষরন্ .
শরীরং ত্যজতে জন্তুশ্ছিদ্যমানেষু মর্মসু .
বেদনাভিঃ পরীতাত্মা তদ্বিদ্ধি দ্বিজসত্তম .. ১৭..
জাতীমরণসংবিগ্নাঃ সততং সর্বজন্তবঃ .
দৃশ্যন্তে সন্ত্যজন্তশ্চ শরীরাণি দ্বিজর্ষভ .. ১৮..
গর্ভসঙ্ক্রমণে চাপি মর্মণামতিসর্পণে .
তাদৃশীমেব লভতে বেদনাং মানবঃ পুনঃ .. ১৯..
ভিন্নসন্ধিরথ ক্লেদমদ্ভিঃ স লভতে নরঃ .
যথা পঞ্চসু ভূতেষু সংশ্রিতত্বং নিগচ্ছতি .
শৈত্যাত্প্রকুপিতঃ কাযে তীব্রবাযুসমীরিতঃ .. ২০..
যঃ স পঞ্চসু ভূতেষু প্রাণাপানে ব্যবস্থিতঃ .
স গচ্ছত্যূর্ধ্বগো বাযুঃ কৃচ্ছ্রান্মুক্ত্বা শরীরিণম্ .. ২১..
শরীরং চ জহাত্যেব নিরুচ্ছ্বাসশ্চ দৃশ্যতে .
নিরূষ্মা স নিরুচ্ছ্বাসো নিঃশ্রীকো গতচেতনঃ .. ২২..
ব্রহ্মণা সম্পরিত্যক্তো মৃত ইত্যুচ্যতে নরঃ .
স্রোতোভির্যৈর্বিজানাতি ইন্দ্রিযার্থাঞ্শরীরভৃত্ .
তৈরেব ন বিজানাতি প্রাণমাহারসম্ভবম্ .. ২৩..
তত্রৈব কুরুতে কাযে যঃ স জীবঃ সনাতনঃ .
তেষাং যদ্যদ্ভবেদ্যুক্তং সংনিপাতে ক্ব চিত্ক্ব চিত্ .
তত্তন্মর্ম বিজানীহি শাস্ত্রদৃষ্টং হি তত্তথা .. ২৪..
তেষু মর্মসু ভিন্নেষু ততঃ স সমুদীরযন্ .
আবিশ্য হৃদযং জন্তোঃ সত্ত্বং চাশু রুণদ্ধি বৈ .
ততঃ স চেতনো জন্তুর্নাভিজানাতি কিং চন .. ২৫..
তমসা সংবৃতজ্ঞানঃ সংবৃতেষ্বথ মর্মসু .
স জীবো নিরধিষ্ঠানশ্চাব্যতে মাতরিশ্বনা .. ২৬..
ততঃ স তং মহোচ্ছ্বাসং ভৃশমুচ্ছ্বস্য দারুণম্ .
নিষ্ক্রামন্কম্পযত্যাশু তচ্ছরীরমচেতনম্ .. ২৭..
স জীবঃ প্রচ্যুতঃ কাযাত্কর্মভিঃ স্বৈঃ সমাবৃতঃ .
অঙ্কিতঃ স্বৈঃ শুভৈঃ পুণ্যৈঃ পাপৈর্বাপ্যুপপদ্যতে .. ২৮..
ব্রাহ্মণা জ্ঞানসম্পন্না যথাবচ্ছ্রুত নিশ্চযাঃ .
ইতরং কৃতপুণ্যং বা তং বিজানন্তি লক্ষণৈঃ .. ২৯..
যথান্ধ কারে খদ্যোতং লীযমানং ততস্ততঃ .
চক্ষুষ্মন্তঃ প্রপশ্যন্তি তথা তং জ্ঞানচক্ষুষঃ .. ৩০..
পশ্যন্ত্যেবংবিধাঃ সিদ্ধা জীবং দিব্যেন চক্ষুষা .
চ্যবন্তং জাযমানং চ যোনিং চানুপ্রবেশিতম্ .. ৩১..
তস্য স্থানানি দৃষ্টানি ত্রিবিধানীহ শাস্ত্রতঃ .
কর্মভূমিরিযং ভূমির্যত্র তিষ্ঠন্তি জন্তবঃ .. ৩২..
ততঃ শুভাশুভং কৃত্বা লভন্তে সর্বদেহিনঃ .
ইহৈবোচ্চাবচান্ভোগান্প্রাপ্নুবন্তি স্বকর্মভিঃ .. ৩৩..
ইহৈবাশুভ কর্মা তু কর্মভির্নিরযং গতঃ .
অবাক্স নিরযে পাপো মানবঃ পচ্যতে ভৃশম্ .
তস্মাত্সুদুর্লভো মোক্ষ আত্মা রক্ষ্যো ভৃশং ততঃ .. ৩৪..
ঊর্ধ্বং তু জন্তবো গত্বা যেষু স্থানেষ্ববস্থিতাঃ .
কীর্ত্যমানানি তানীহ তত্ত্বতঃ সংনিবোধ মে .
তচ্ছ্রুত্বা নৈষ্ঠিকীং বুদ্ধিং বুধ্যেথাঃ কর্ম নিশ্চযাত্ .. ৩৫..
তারা রূপাণি সর্বাণি যচ্চৈতচ্চন্দ্রমণ্ডলম্ .
যচ্চ বিভ্রাজতে লোকে স্বভাসা সূর্যমণ্ডলম্ .
স্থানান্যেতানি জানীহি নরাণাং পুণ্যকর্মণাম্ .. ৩৬..
কর্ম ক্ষযাচ্চ তে সর্বে চ্যবন্তে বৈ পুনঃ পুনঃ .
তত্রাপি চ বিশেষোঽস্তি দিবি নীচোচ্চমধ্যমঃ .. ৩৭..
ন তত্রাপ্যস্তি সন্তোষো দৃষ্ট্বা দীপ্ততরাং শ্রিযম্ .
ইত্যেতা গতযঃ সর্বাঃ পৃথক্ত্বে সমুদীরিতাঃ .. ৩৮..
উপপত্তিং তু গর্ভস্য বক্ষ্যাম্যহমতঃ পরম্ .
যথাবত্তাং নিগদতঃ শৃণুষ্বাবহিতো দ্বিজ .. ৩৯..
ব্র্
শুভানামশুভানাং চ নেহ নাশোঽস্তি কর্মণাম্ .
প্রাপ্য প্রাপ্য তু পচ্যন্তে ক্ষেত্রং ক্ষেত্রং তথা তথা .. ১..
যথা প্রসূযমানস্তু ফলী দদ্যাত্ফলং বহু .
তথা স্যাদ্বিপুলং পুণ্যং শুদ্ধেন মনসা কৃতম্ .. ২..
পাপং চাপি তথৈব স্যাত্পাপেন মনসা কৃতম্ .
পুরোধায মনো হীহ কর্মণ্যাত্মা প্রবর্ততে .. ৩..
যথা কত্ম সমাদিষ্টং কামমন্যুসমাবৃতঃ .
নরো গর্ভং প্রবিশতি তচ্চাপি শৃণু চোত্তরম্ .. ৪..
শুক্রং শোণিতসংসৃষ্টং স্ত্রিযা গর্ভাশযং গতম্ .
ক্ষেত্রং কর্মজমাপ্নোতি শুভং বা যদি বাশুভম্ .. ৫..
সৌক্ষ্ম্যাদব্যক্তভাবাচ্চ ন স ক্ব চন সজ্জতে .
সম্প্রাপ্য ব্রহ্মণঃ কাযং তস্মাত্তদ্ব্রহ্ম শাশ্বতম্ .
তদ্বীজং সর্বভূতানাং তেন জীবন্তি জন্তবঃ .. ৬..
স জীবঃ সর্বগাত্রাণি গর্ভস্যাবিশ্য ভাগশঃ .
দধাতি চেতসা সদ্যঃ প্রাণস্থানেষ্ববস্থিতঃ .
ততঃ স্পন্দযতেঽঙ্গানি স গর্ভশ্চেতনান্বিতঃ .. ৭..
যথা হি লোহনিষ্যন্দো নিষিক্তো বিম্ববিগ্রহম্ .
উপৈতি তদ্বজ্জানীহি গর্ভে জীব প্রবেশনম্ .. ৮..
লোহপিণ্ডং যথা বহ্নিঃ প্রবিশত্যভিতাপযন্ .
তথা ত্বমপি জানীহি গর্ভে জীবোপপাদনম্ .. ৯..
যথা চ দীপঃ শরণং দীপ্যমানঃ প্রকাশযেত্ .
এবমেব শরীরাণি প্রকাশযতি চেতনা .. ১০..
যদ্যচ্চ কুরুতে কর্ম শুভং বা যদি বাশুভম্ .
পূর্বদেহকৃতং সর্বমবশ্যমুপভুজ্যতে .. ১১..
ততস্তত্ক্ষীযতে চৈব পুনশ্চান্যত্প্রচীযতে .
যাবত্তন্মোক্ষযোগস্থং ধর্মং নৈবাববুধ্যতে .. ১২..
তত্র ধর্মং প্রবক্ষ্যামি সুখী ভবতি যেন বৈ .
আবর্তমানো জাতীষু তথান্যোন্যাসু সত্তম .. ১৩..
দানং ব্রতং ব্রহ্মচর্যং যথোক্তব্রতধারণম্ .
দমঃ প্রশান্ততা চৈব ভূতানাং চানুকম্পনম্ .. ১৪..
সংযমশ্চানৃশংস্যং চ পরস্বাদান বর্জনম্ .
ব্যলীকানামকরণং ভূতানাং যত্র সা ভুবি .. ১৫..
মাতাপিত্রোশ্চ শুশ্রূষা দেবতাতিথিপূজনম্ .
গুরু পূজা ঘৃণা শৌচং নিত্যমিন্দ্রিযসংযমঃ .. ১৬..
প্রবর্তনং শুভানাং চ তত্সতাং বৃত্তমুচ্যতে .
ততো ধর্মঃ প্রভবতি যঃ প্রজাঃ পাতি শাশ্বতীঃ .. ১৭..
এবং সত্সু সদা পশ্যেত্তত্র হ্যেষা ধ্রুবা স্থিতিঃ .
আচারো ধর্মমাচষ্টে যস্মিন্সন্তো ব্যবস্থিতাঃ .. ১৮..
তেষু তদ্ধর্মনিক্ষিপ্তং যঃ স ধর্মঃ সনাতনঃ .
যস্তং সমভিপদ্যেত ন স দুর্গতিমাপ্নুযাত্ .. ১৯..
অতো নিযম্যতে লোকঃ প্রমুহ্য ধর্মবর্ত্মসু .
যস্তু যোগী চ মুক্তশ্চ স এতেভ্যো বিশিষ্যতে .. ২০..
বর্তমানস্য ধর্মেণ পুরুষস্য যথাতথা .
সংসারতারণং হ্যস্য কালেন মহতা ভবেত্ .. ২১..
এবং পূর্বকৃতং কর্ম সর্বো জন্তুর্নিষেবতে .
সর্বং তত্কারণং যেন নিকৃতোঽযমিহাগতঃ .. ২২..
শরীরগ্রহণং চাস্য কেন পূর্বং প্রকল্পিতম্ .
ইত্যেবং সংশযো লোকে তচ্চ বক্ষ্যাম্যতঃ পরম্ .. ২৩..
শরীরমাত্মনঃ কৃত্বা সর্বভূতপিতামহঃ .
ত্রৈলোক্যমসৃজদ্ব্রহ্মা কৃত্স্নং স্থাবরজঙ্গমম্ .. ২৪..
ততঃ প্রধানমসৃজচ্চেতনা সা শরীরিণাম্ .
যযা সর্বমিদং ব্যাপ্তং যাং লোকে পরমাং বিদুঃ .. ২৫..
ইহ তত্ক্ষরমিত্যুক্তং পরং ত্বমৃতমক্ষরম্ .
ত্রযাণাং মিথুনং সর্বমেকৈকস্য পৃথক্পৃথক্ .. ২৬..
অসৃজত্সর্বভূতানি পূর্বসৃষ্টঃ প্রজাপতিঃ .
স্থাবরাণি চ ভূতানি ইত্যেষা পৌর্বিকী শ্রুতিঃ .. ২৭..
তস্য কালপরীমাণমকরোত্স পিতামহঃ .
ভূতেষু পরিবৃত্তিং চ পুনরাবৃত্তিমেব চ .. ২৮..
যথাত্র কশ্চিন্মেধাবী দৃষ্টাত্মা পূর্বজন্মনি .
যত্প্রবক্ষ্যামি তত্সর্বং যথাবদুপপদ্যতে .. ২৯..
সুখদুঃখে সদা সম্যগনিত্যে যঃ প্রপশ্যতি .
কাযং চামেধ্য সঙ্ঘাতং বিনাশং কর্ম সংহিতম্ .. ৩০..
যচ্চ কিং চিত্সুখং তচ্চ সর্বং দুঃখমিতি স্মরন্ .
সংসারসাগরং ঘোরং তরিষ্যতি সুদুস্তরম্ .. ৩১..
জাতী মরণরোগৈশ্চ সমাবিষ্টঃ প্রধানবিত্ .
চেতনাবত্সু চৈতন্যং সমং ভূতেষু পশ্যতি .. ৩২..
নির্বিদ্যতে ততঃ কৃত্স্নং মার্গমাণঃ পরং পদম্ .
তস্যোপদেশং বক্ষ্যামি যাথাতথ্যেন সত্তম .. ৩৩..
শাশ্বতস্যাব্যযস্যাথ পদস্য জ্ঞানমুত্তমম্ .
প্রোচ্যমানং মযা বিপ্র নিবোধেদমশেষতঃ .. ৩৪..
ব্র্
যঃ স্যাদেকাযনে লীনস্তূষ্ণীং কিং চিদচিন্তযন্ .
পূর্বং পূর্বং পরিত্যজ্য স নিরারম্ভকো ভবেত্ .. ১..
সর্বমিত্রঃ সর্বসহঃ সমরক্তো জিতেন্দ্রিযঃ .
ব্যপেতভযমন্যুশ্চ কামহা মুচ্যতে নরঃ .. ২..
আত্মবত্সর্বভূতেষু যশ্চরেন্নিযতঃ শুচিঃ .
অমানী নিরভীমানঃ সর্বতো মুক্ত এব সঃ .. ৩..
জীবিতং মরণং চোভে সুখদুঃখে তথৈব চ .
লাভালাভে প্রিয দ্বেষ্যে যঃ সমঃ স চ মুচ্যতে .. ৪..
ন কস্য চিত্স্পৃহযতে নাবজানাতি কিং চন .
নির্দ্বন্দ্বো বীতরাগাত্মা সর্বতো মুক্ত এব সঃ .. ৫..
অনমিত্রোঽথ নির্বন্ধুরনপত্যশ্চ যঃ ক্ব চিত্ .
ত্যক্তধর্মার্থকামশ্চ নিরাকাঙ্ক্ষী স মুচ্যতে .. ৬..
নৈব ধর্মী ন চাধর্মী পূর্বোপচিতহা চ যঃ .
ধাতুক্ষযপ্রশান্তাত্মা নির্দ্বন্দ্বঃ স বিমুচ্যতে .. ৭..
অকর্মা চাবিকাঙ্ক্ষশ্চ পশ্যঞ্জগদশাশ্বতম্ .
অস্বস্থমবশং নিত্যং জন্ম সংসারমোহিতম্ .. ৮..
বৈরাগ্য বুদ্ধিঃ সততং তাপদোষব্যপেক্ষকঃ .
আত্মবন্ধবিনির্মোক্ষং স করোত্যচিরাদিব .. ৯..
অগন্ধ রসমস্পর্শমশব্দমপরিগ্রহম্ .
অরূপমনভিজ্ঞেযং দৃষ্ট্বাত্মানং বিমুচ্যতে .. ১০..
পঞ্চ ভূতগুণৈর্হীনমমূর্তি মদলেপকম্ .
অগুণং গুণভোক্তারং যঃ পশ্যতি স মুচ্যতে .. ১১..
বিহায সর্বসঙ্কল্পান্বুদ্ধ্যা শারীর মানসান্ .
শনৈর্নির্বাণমাপ্নোতি নিরিন্ধন ইবানলঃ .. ১২..
বিমুক্তঃ সর্বসংস্কারৈস্ততো ব্রহ্ম সনাতনম্ .
পরমাপ্নোতি সংশান্তমচলং দিব্যমক্ষরম্ .. ১৩..
অতঃ পরং প্রবক্ষ্যামি যোগশাস্ত্রমনুত্তমম্ .
যজ্জ্ঞাত্বা সিদ্ধমাত্মানং লোকে পশ্যন্তি যোগিনঃ .. ১৪..
তস্যোপদেশং পশ্যামি যথাবত্তন্নিবোধ মে .
যৈর্দ্বারৈশ্চারযন্নিত্যং পশ্যত্যাত্মানমাত্মনি .. ১৫..
ইন্দ্রিযাণি তু সংহৃত্য মন আত্মনি ধারযেত্ .
তীব্রং তপ্ত্বা তপঃ পূর্বং ততো যোক্তুমুপক্রমেত্ .. ১৬..
তপস্বী ত্যক্তসঙ্কল্পো দম্ভাহঙ্কারবর্জিতঃ .
মনীষী মনসা বিপ্রঃ পশ্যত্যাত্মানমাত্মনি .. ১৭..
স চেচ্ছক্নোত্যযং সাধুর্যোক্তুমাত্মানমাত্মনি .
তত একান্তশীলঃ স পশ্যত্যাত্মানমাত্মনি .. ১৮..
সংযতঃ সততং যুক্ত আত্মবান্বিজিতেন্দ্রিযঃ .
তথাযমাত্মনাত্মানং সাধু যুক্তঃ প্রপশ্যতি .. ১৯..
যথা হি পুরুষঃ স্বপ্নে দৃষ্ট্বা পশ্যত্যসাবিতি .
তথারূপমিবাত্মানং সাধু যুক্তঃ প্রপশ্যতি .. ২০..
ইষীকাং বা যথা মুঞ্জাত্কশ্চিন্নির্হৃত্য দর্শযেত্ .
যোগী নিষ্কৃষ্টমাত্মানং যথা সম্পশ্যতে তনৌ .. ২১..
মুঞ্জং শরীরং তস্যাহুরিষীকামাত্মনি শ্রিতাম্ .
এতন্নিদর্শনং প্রোক্তং যোগবিদ্ভিরনুত্তমম্ .. ২২..
যদা হি যুক্তমাত্মানং সম্যক্পশ্যতি দেহভৃত্ .
তদাস্য নেশতে কশ্চিত্ত্রৈলোক্যস্যাপি যঃ প্রভুঃ .. ২৩..
অন্যোন্যাশ্চৈব তনবো যথেষ্টং প্রতিপদ্যতে .
বিনিবৃত্য জরামৃত্যূ ন হৃষ্যতি ন শোচতি .. ২৪..
দেবানামপি দেবত্বং যুক্তঃ কারযতে বশী .
ব্রহ্ম চাব্যযমাপ্নোতি হিত্বা দেহমশাশ্বতম্ .. ২৫..
বিনশ্যত্ষ্বপি লোকেষু ন ভযং তস্য জাযতে .
ক্লিশ্যমানেষু ভূতেষু ন স ক্লিশ্যতি কেন চিত্ .. ২৬..
দুঃখশোকমযৈর্ঘোরৈঃ সঙ্গস্নেহ সমুদ্ভবৈঃ .
ন বিচাল্যেত যুক্তাত্মা নিস্পৃহঃ শান্তমানসঃ .. ২৭..
নৈনং শস্ত্রাণি বিধ্যন্তে ন মৃত্যুশ্চাস্য বিদ্যতে .
নাতঃ সুখতরং কিং চিল্লোকে ক্ব চন বিদ্যতে .. ২৮..
সম্যগ্যুক্ত্বা যদাত্মানমাত্মযেব প্রপশ্যতি .
তদৈব ন স্পৃহযতে সাক্ষাদপি শতক্রতোঃ .. ২৯..
নির্বেদস্তু ন গন্তব্যো যুঞ্জানেন কথং চন .
যোগমেকান্তশীলস্তু যথা যুঞ্জীত তচ্ছৃণু .. ৩০..
দৃষ্টপূর্বা দিশং চিন্ত্য যস্মিন্সংনিবসেত্পুরে .
পুরস্যাভ্যন্তরে তস্য মনশ্চাযং ন বাহ্যতঃ .. ৩১..
পুরস্যাভ্যন্তরে তিষ্ঠন্যস্মিন্নাবসথে বসেত্ .
তস্মিন্নাবসথে ধার্যং স বাহ্যাভ্যন্তরং মনঃ .. ৩২..
প্রচিন্ত্যাবসথং কৃত্স্নং যস্মিন্কাযেঽবতিষ্ঠতে .
তস্মিন্কাযে মনশ্চার্যং ন কথং চন বাহ্যতঃ .. ৩৩..
সংনিযম্যেন্দ্রিযগ্রামং নির্ঘোষে নির্জনে বনে .
কাযমভ্যন্তরং কৃত্স্নমেকাগ্রঃ পরিচিন্তযেত্ .. ৩৪..
দন্তাংস্তালু চ জিহ্বাং চ গলং গ্রীবাং তথৈব চ .
হৃদযং চিন্তযেচ্চাপি তথা হৃদযবন্ধনম্ .. ৩৫..
ইত্যুক্তঃ স মযা শিষ্যো মেধাবী মধুসূদন .
পপ্রচ্ছ পুনরেবেমং মোক্ষধর্মং সুদুর্বচম্ .. ৩৬..
ভুক্তং ভুক্তং কথমিদমন্নং কোষ্ঠে বিপচ্যতে .
কথং রসত্বং ব্রজতি শোণিতং জাযতে কথম্ .
তথা মাংসং চ মেদশ্চ স্নায্বস্থীনি চ পোষতি .. ৩৭..
কথমেতানি সর্বাণি শরীরাণি শরীরিণাম্ .
বর্ধন্তে বর্ধমানস্য বর্ধতে চ কথং বলম্ .
নিরোজসাং নিষ্ক্রমণং মলানাং চ পৃথক্পৃথক্ .. ৩৮..
কুতো বাযং প্রশ্বসিতি উচ্ছ্বসিত্যপি বা পুনঃ .
কং চ দেশমধিষ্ঠায তিষ্ঠত্যাত্মাযমাত্মনি .. ৩৯..
জীবঃ কাযং বহতি চেচ্চেষ্টযানঃ কলেবরম্ .
কিং বর্ণং কীদৃশং চৈব নিবেশযতি বৈ মনঃ .
যাথাতথ্যেন ভগবন্বক্তুমর্হসি মেঽনঘ .. ৪০..
ইতি সম্পরিপৃষ্টোঽহং তেন বিপ্রেণ মাধব .
প্রত্যব্রুবং মহাবাহো যথা শ্রুতমরিন্দম .. ৪১..
যথা স্বকোষ্ঠে প্রক্ষিপ্য কোষ্ঠং ভাণ্ড মনা ভবেত্ .
তথা স্বকাযে প্রক্ষিপ্য মনো দ্বারৈরনিশ্চলৈঃ .
আত্মানং তত্র মার্গেত প্রমাদং পরিবর্জযেত্ .. ৪২..
এবং সততমুদ্যুক্তঃ প্রীতাত্মা নচিরাদিব .
আসাদযতি তদ্ব্রহ্ম যদ্দৃষ্ট্বা স্যাত্প্রধানবিত্ .. ৪৩..
ন ত্বসৌ চক্ষুষা গ্রাহ্যো ন চ সর্বৈরপীন্দ্রিযৈঃ .
মনসৈব প্রদীপেন মহানাত্মনি দৃশ্যতে .. ৪৪..
সর্বতঃ পাণিপাদং তং সর্বতোঽক্ষিশিরোমুখম্ .
জীবো নিষ্ক্রান্তমাত্মানং শরীরাত্সম্প্রপশ্যতি .. ৪৫..
স তদুত্সৃজ্য দেহং স্বং ধারযন্ব্রহ্ম কেবলম্ .
আত্মানমালোকযতি মনসা প্রহসন্নিব .. ৪৬..
ইদং সর্বরহস্যং তে মযোক্তং দ্বিজসত্তম .
আপৃচ্ছে সাধযিষ্যামি গচ্ছ শিষ্যযথাসুখম্ .. ৪৭..
ইত্যুক্তঃ স তদা কৃষ্ণ মযা শিষ্যো মহাতপাঃ .
অগচ্ছত যথাকামং ব্রাহ্মণশ্ছিন্নসংশযঃ .. ৪৮..
বা
ইত্যুক্ত্বা স তদা বাক্যং মাং পার্থ দ্বিজপুঙ্গবঃ .
মোক্ষধর্মাশ্রিতঃ সম্যক্তত্রৈবান্তরধীযত .. ৪৯..
কচ্চিদেতত্ত্বযা পার্থ শ্রুতমেকাগ্রচেতসা .
তদাপি হি রথস্থস্ত্বং শ্রুতবানেতদেব হি .. ৫০..
নৈতত্পার্থ সুবিজ্ঞেযং ব্যামিশ্রেণেতি মে মতিঃ .
নরেণাকৃত সঞ্জ্ঞেন বিদগ্ধেনাকৃতাত্মনা .. ৫১..
সুরহস্যমিদং প্রোক্তং দেবানাং ভরতর্ষভ .
কচ্চিন্নেদং শ্রুতং পার্থ মর্ত্যেনান্যেন কেন চিত্ .. ৫২..
ন হ্যেতচ্ছ্রোতুমর্হোঽন্যো মনুষ্যস্ত্বামৃতেঽনঘ .
নৈতদদ্য সুবিজ্ঞেযং ব্যামিশ্রেণান্তরাত্মনা .. ৫৩..
ক্রিযাবদ্ভির্হি কৌন্তেয দেবলোকঃ সমাবৃতঃ .
ন চৈতদিষ্টং দেবানাং মর্ত্যৈ রূপনিবর্তনম্ .. ৫৪..
পরা হি সা গতিঃ পার্থ যত্তদ্ব্রহ্ম সনাতনম্ .
যত্রামৃতত্বং প্রাপ্নোতি ত্যক্ত্বা দুঃখং সদা সুখী .. ৫৫..
এবং হি ধর্মমাস্থায যোঽপি স্যুঃ পাপযোনযঃ .
স্ত্রিযো বৈশ্যাস্তথা শূদ্রাস্তেঽপি যান্তি পরাং গতিম্ .. ৫৬..
কিং পুনর্ব্রাহ্মণাঃ পার্থ ক্ষত্রিযা বা বহুশ্রুতাঃ .
স্বধর্মরতযো নিত্যং ব্রহ্মলোকপরাযণাঃ .. ৫৭..
হেতুমচ্চৈতদুদ্দিষ্টমুপাযাশ্চাস্য সাধনে .
সিদ্ধেঃ ফলং চ মোক্ষশ্চ দুঃখস্য চ বিনির্ণযঃ .
অতঃ পরং সুখং ত্বন্যত্কিং নু স্যাদ্ভরতর্ষভ .. ৫৮..
শ্রুতবাঞ্শ্রদ্দধানশ্চ পরাক্রান্তশ্চ পাণ্ডব .
যঃ পরিত্যজতে মর্ত্যো লোকতন্ত্রমসারবত্ .
এতৈরুপাযৈঃ স ক্ষিপ্রং পরাং গতিমবাপ্নুযাত্ .. ৫৯..
এতাবদেব বক্তব্যং নাতো ভূযোঽস্তি কিং চন .
ষণ্মাসান্নিত্যযুক্তস্য যোগঃ পার্থ প্রবর্ততে .. ৬০..
.. ইতি অনুগীতা সমাপ্তা ..
|
|
Views: 1014 |
Added by: শকুন্তলা-দেবী
| Tags:
| Rating: 0.0/0 |
| Total comments: 6 | |
|
0   1
নামহীন (13-08-2011 9:37 PM)
[ Entry]
ভাল লাগলো
|
0 4
শকুন্তলা-দেবী (14-08-2011 12:49 PM)
[ Entry]
|
0 2
Hinduism (13-08-2011 11:05 PM)
[ Entry]
সংস্কৃত লেখা কিছুই বুঝলামনা। কিন্তু এমন একটা জিনিস সাইটে থাকা মানে সাইটের জন্য বিশাল সম্পদ। তাই আপনাকে অনেক অনেক ধন্যবাদ।
|
0 5
শকুন্তলা-দেবী (14-08-2011 12:50 PM)
[ Entry]
আপনাকেও অনেক ধন্যবাদ
|
0 3
rajendra (13-08-2011 11:57 PM)
[ Entry]
ভাল লাগলো আমাদের সাথে শেয়ার করার জন্য
|
0 6
শকুন্তলা-দেবী (14-08-2011 12:50 PM)
[ Entry]
|
|
|
|
|
