হিন্দু ধর্ম ব্লগ
Main »
2011 » August » 11 » অঘনাশকগাযত্রীস্তোত্র
Added by:
rajendra
1:47 AM অঘনাশকগাযত্রীস্তোত্র |
.. অঘনাশকগাযত্রীস্তোত্র ..
আদিশক্তে জগন্মাতর্ভক্তানুগ্রহকারিণি |
সর্বত্র ব্যাপিকেঽনন্তে শ্রীসংধ্যে তে নমোঽস্তু তে ||
ত্বমেব সংধ্যা গাযত্রী সাবিত্রি চ সরস্বতী |
ব্রাহ্মী চ বৈষ্ণবী রৌদ্রী রক্তা শ্বেতা সিতেতরা ||
প্রাতর্বালা চ মধ্যাহ্নে যৌবনস্থা ভবেত্পুনঃ |
বৃদ্ধা সাযং ভগবতী চিন্ত্যতে মুনিভিঃ সদা ||
হংসস্থা গরুডারূঢা তথা বৃষভবাহিনী |
ঋগ্বেদাধ্যাযিনী ভূমৌ দৃশ্যতে যা তপস্বিভিঃ ||
যজুর্বেদং পঠন্তী চ অন্তরিক্ষে বিরাজতে |
সা সামগাপি সর্বেষু ভ্রাম্যমাণা তথা ভুবি ||
রুদ্রলোকং গতা ত্বং হি বিষ্ণুলোকনিবাসিনী |
ত্বমেব ব্রহ্মণো লোকেঽমর্ত্যানুগ্রহকারিণী ||
সপ্তর্ষিপ্রীতিজননী মাযা বহুবরপ্রদা |
শিবযোঃ করনেত্রোত্থা হ্যশ্রুস্বেদসমুদ্ভবা ||
আনন্দজননী দুর্গা দশধা পরিপঠ্যতে |
বরেণ্যা বরদা চৈব বরিষ্ঠা বরর্ব্ণিনী ||
গরিষ্ঠা চ বরাহী চ বরারোহা চ সপ্তমী |
নীলগংগা তথা সংধ্যা সর্বদা ভোগমোক্ষদা ||
ভাগীরথী মর্ত্যলোকে পাতালে ভোগবত্যপি ||
ত্রিলোকবাহিনী দেবী স্থানত্রযনিবাসিনী ||
ভূর্লোকস্থা ত্বমেবাসি ধরিত্রী শোকধারিণী |
ভুবো লোকে বাযুশক্তিঃ স্বর্লোকে তেজসাং নিধিঃ ||
মহর্লোকে মহাসিদ্ধির্জনলোকে জনেত্যপি |
তপস্বিনী তপোলোকে সত্যলোকে তু সত্যবাক্ ||
কমলা বিষ্ণুলোকে চ গাযত্রী ব্রহ্মলোকগা |
রুদ্রলোকে স্থিতা গৌরী হরার্ধাংগীনিবাসিনী ||
অহমো মহতশ্চৈব প্রকৃতিস্ত্বং হি গীযসে |
সাম্যাবস্থাত্মিকা ত্বং হি শবলব্রহ্মরূপিণী ||
ততঃ পরাপরা শক্তিঃ পরমা ত্বং হি গীযসে |
ইচ্ছাশক্তিঃ ক্রিযাশক্তির্জ্ঞানশক্তিস্ত্রিশক্তিদা ||
গংগা চ যমুনা চৈব বিপাশা চ সরস্বতী |
সরযূর্দেবিকা সিন্ধুর্নর্মদেরাবতী তথা ||
গোদাবরী শতদ্রুশ্চ কাবেরী দেবলোকগা |
কৌশিকী চন্দ্রভাগা চ বিতস্তা চ সরস্বতী ||
গণ্ডকী তাপিনী তোযা গোমতী বেত্রবত্যপি |
ইডা চ পিংগলা চৈব সুষুম্ণা চ তৃতীযকা ||
গাংধারী হস্তিজিহ্বা চ পূষাপূষা তথৈব চ |
অলম্বুষা কুহূশ্চৈব শংখিনী প্রাণবাহিনী ||
নাডী চ ত্বং শরীরস্থা গীযসে প্রাক্তনৈর্বুধৈঃ |
হৃতপদ্মস্থা প্রাণশক্তিঃ কণ্ঠস্থা স্বপ্ননাযিকা ||
তালুস্থা ত্বং সদাধারা বিন্দুস্থা বিন্দুমালিনী |
মূলে তু কুণ্ডলী শক্তির্ব্যাপিনী কেশমূলগা ||
শিখামধ্যাসনা ত্বং হি শিখাগ্রে তু মনোন্মনী |
কিমন্যদ্ বহুনোক্তেন যত্কিংচিজ্জগতীত্রযে ||
তত্সর্বং ত্বং মহাদেবি শ্রিযে সংধ্যে নমোঽস্তু তে |
ইতীদং কীর্তিতং স্তোত্রং সংধ্যাযাং বহুপুণ্যদম্ ||
মহাপাপপ্রশমনং মহাসিদ্ধিবিধাযকম্ |
য ইদং কীর্তযেত্ স্তোত্রং সংধ্যাকালে সমাহিতঃ ||
অপুত্রঃ প্রাপ্নুযাত্ পুত্রং ধনার্থী ধনমাপ্নুযাত্ |
সর্বতীর্থতপোদানযজ্ঞযোগফলং লভেত্ ||
ভোগান্ ভুক্ত্বা চিরং কালমন্তে মোক্ষমবাপ্নুযাত্ |
তপস্বিভিঃ কৃতং স্তোত্রং স্নানকালে তু যঃ পঠেত্ ||
যত্র কুত্র জলে মগ্নঃ সংধ্যামজ্জনজং ফলম্ |
লভতে নাত্র সংদেহঃ সত্যং চ নারদ ||
শ্রৃণুযাদ্যোঽপি তদ্ভক্ত্যা স তু পাপাত্ প্রমুচ্যতে |
পীযূষসদৃশং বাক্যং সংধ্যোক্তং নারদেরিতম্ ||
|| ইতি শ্রীঅঘনাশক গাযত্রী স্তোত্রং সম্পূর্ণম্ ||
|
|
Views: 638 |
Added by: rajendra
| Tags:
| Rating: 0.0/0 |
| Total comments: 4 | |
|
0   1
নামহীন (12-08-2011 12:02 PM)
[ Entry]
bhalo laglo
|
0 3
rajendra (13-08-2011 3:14 PM)
[ Entry]
|
0 2
Hinduism (13-08-2011 1:20 AM)
[ Entry]
সুন্দর, অনেক অনেক সুন্দর
|
0 4
rajendra (13-08-2011 3:14 PM)
[ Entry]
|
|
|
|
